Tim Hüllstrung Tim Hüllstrung is at Basel-City.

4 weeks ago

me munkelt es isch hüt entschiede worde
d fasnacht fallt ins wasser und die horde
Vo lüt wo gäng zur fasnacht
z Basel - stadt hei krach gmacht
die lüt die gön stadtdesse jetzt go boarde

Die ganzi stadt halt’d luft ah s isch nit z fasse
Das alles wägme tröpfli s’ isch kei spass me

Was mache jetzt die liebe
wos ganze johr dien iebe
Für d lüt zum quer durch d stadt chönne z gässle

dr bundesrat verbietets s isch no heftig
dass siebe köpf me glaubts nit, sin no mächtig
s git nüt als z’ akzeptiere
dass söttigi maniere
sin zum kapiere dass das ding isch kräftig

Ich wünschti au s’ wär nit eso s wär schön
me chönnti wieder ghöre schiefi tön
und drummellärm am vieri
obwohl zum teil krepieri
doch s goht nüt über d pausierig vom system

So goht e stückli freiheit meh verlore
Au wenns eim mängisch druckt in sine ohre
d fasnacht stoht für was macht, dass e ganzi stadt lacht
und eimol im johr so richtig cha go tobe.

Vo China importiere mir de virus
und au none politische gruess
e stückli menschewürdi
menscherächt und d hürdi
zum ihgriff ins private simmer au los

I hoff es goht eso nit wirkli witer
denn das wär doch für alli zimli schiter
s grosse vorbild China
sötter mr nit ahnah
will suscht gitz bald ir Schwiz no vielmeh gitter

volksabstimmig volksbestimmig wärs denn
und alles wird absofort fremdbewärtet
kameras im trämli
mälde di denn nämli
und minderheite gäbs nurno im gsperrte

I hör jetzt uf susch wärde mr pessimiste
ich bi doch optimist und will nit in d kiste

drum hoffi d schwizer bhalte
ihre menscheverstand bim alte
und uf d fasnacht düemer jetzt halt mol verzichte.

#fasnacht2020 #coronavirus #longliveberne ...